uNhA nOvA eRa

Despois de moito pensar, é hora de cambiar e deixar os "formalismos didácticos" atrás. Como é sabido por todos, para que un blog interese, o primeiro que ten que ocorrer é que o eixe central do mesmo lle interese ó que o está levando, é dicir, que o tema lle apaixone ó autor.

Por iso, levo preguntándome varios días que é o que me gusta ou que lle podo ofrecer, dentro do meu alcance, ós demais internautas. Sinceramente, e con certo temor de que me atribúan certa inmadurez, confésome seguidora dos Sims, desde hai sete anos, primeiro cos Sims 1, con tódalas expansións, agora co Sims 2. Parece un xogo que pode chegar a aburrir, pero se lle colles o truco e cun pouco de imaxinación, chega a roubarche moito do teu tempo.

Sei que non estou ofrecendo nada novo, hai miles de páxinas que falan do xogo, de aí que tente buscar unha nova perspectiva: xa que estudo Publicidade quero enfocalo desde ese punto de vista; os Sims, outro medio para amosarnos novos productos? Tamén como inflúen os xogos nas nosas mentes? Concretamente os Sims, xa que esta pregunta sempre estivo relacionada con xogos de violencia, ou que valores nos inculcan a través deste curioso entretemento de guiar a unha familia?
Tamén amosarei trucos, historias ou consello de descargas que me pareceran interesantes (só digo que teño metade da capacidade do ordenador ocupada cos "downloads" de skins e objects).

REMATOU O BLOG ABURRIDO E ILEXIBLE DO PASADO, COMEZA UNHA NOVA ERA, A ERA DOS SIMS!

SIMvidos!!

servido por beafeijoofdez 5 comentarios compártelo